प्रधानन्यायाधीशको नेतृत्वमा चुनावी सरकार असम्भब : गच्छदार

भिडियो हेर्न तल क्लिक गर्नुहोस् !

२६ माघ, मोरङ । उपप्रधान एवम् गृहमन्त्री विजयकुमार गच्छदारले सर्वोच्च अदालतका प्रधानन्यायाधीश खीलराज रेग्मीको नेतृत्वमा चुनाबी सरकार बन्न नसक्ने वताउनुभएको छ । उहाँले प्रधानन्यायाधीशलाई प्रधानमन्त्री बनाएर चुनाव गराउने एमाओवादीको प्रस्ताव अस्वीकार्य भएको वताउनुभयो । पूर्व क्षेत्रीय प्रहरी कार्यालयमा शुक्रवार दिउँसो पत्रकारहरुसंग कुराकानी गर्दै फोरम लोकतान्त्रिकका अध्यक्ष समेत रहेका गच्छदारले एकीकृत माओवादीले भने जस्तो अचुक सूत्र हुन नसक्ने समेत दावी गर्नुभयो ।

मुलुक अहिले जटिल मोडमा रहेको भन्दै गच्छदारले दलहरुको सहमतिमै मुलुकलाई राजनीतिक दिनु पर्ने वताउनुभयो । प्रधानन्यायाधीशलाई प्रधानमन्त्री बनाउने कुरा कानुन बनाउनेलाई कानुन तोड्न लगाउने कुरा जस्तै हो भएको गच्छदारको भनाई थियो । उहाँले एमाओवादीको नयाँ फर्मुलाबारे आफूहरुले मोर्चाको बैठकमा छलफल गर्न बाँकी रहेको जानकारी दिनुभयो ।

उहाँले आउँदो फागुन ७ गतेसम्म राजनीतिक दलहरुबीच सहमति हुन नसके जेठमा निर्वाचन हुन नसक्ने वताउनुभयो । विपक्षी दलहरुले सहमतिमा नआई आन्दोलन गरेर भूल गरेको गच्चदारको भनाई थियो । रासस

भिडियो हेर्न तल क्लिक गर्नुहोस् !

Category: Latest News