संवैधानिक अंगका प्रमुखहरुको नियुक्ति पछि सर्यो
भिडियो हेर्न तल क्लिक गर्नुहोस् !
|
|
६ चैत, काठमाडौं । संवैधानिक परिषद्का सदस्यहरुको चयन गर्ने र संवैधानिक निकायका पदाधिकारी नियुक्तिको बाटो खोल्ने अपेक्षा गरिए पनि मंगलवार बसेको क्याबिनेटले कुनै ठोस निर्णय गर्न सकेन । सरकारले चुनावको मिति पनि तोक्न सकेन । मंगलबार बस्ने बैठकले चुनावको मिति तोक्ने अनुमान गरिएको थियो ।
अध्यक्षले छनौट गर्ने संवैधानिक परिषद्का तीन जना सदस्यहरुको चयनबारे भन उहाँले केही बताउनुभएन । बाधा अड्काऊले गरेको व्यवस्था अनुसार संवैधानिक परिषद्मा मन्त्रि परिषद्का अध्यक्ष, प्रधानन्यायधीश र तीनजना मन्त्रीहरु रहने प्रावधान छ । परिषद्ले संवैधानिक अंगका पदाधिकारीहरुको चयन गरी राष्ट्रपतिसमक्ष सिफारिस गर्छ ।
संवैधानिक अंगमा पदाधिकारी नियुक्त गरेपछि मात्रै संविधानसभा चुनावको मिति घोषणा गरिने सूचना तथा सञ्चारमन्त्री माधव पौडेलले जानकारी दिनुभएको छ । सिंहदरबारमा बसेको मन्त्रिपरिषद बैठकले निर्वाचन आयोग लगायतका संवैधानिक निकायमा छिटो नियुक्ति गरेर चुनावको मिति घोषणा गर्ने निर्णय गरेको पौडेलले बैठकपछि पत्रकारलाई जानकारी दिनुभयो ।
संवैधानिक परिषद्का सदस्यहरु कहिले नियुक्त हुन्छन् भन्ने प्रश्नमा कानून तथा न्यायमन्त्री हरिप्रसाद न्यौपानेले अनलाइनखबरसँग भन्नुभयो- ‘यो सबै अध्यक्ष ज्युले गर्नुहुने भएकाले हामीलाई थाहै हुन्न ।’ मन्त्रिपरिषद् अध्यक्षले ३ जना मन्त्रीलाई संवैधानिक परिषद्को सदस्य तोकेपछि परिषद्ले संवैधानिक अंगका प्रमुखहरुको नियुक्तिका लागि सिफारिस गर्ने मन्त्री न्यौपानेले बताउनुभयो । ‘तर कहिलेसम्म हुन्छ, मैले भन्न सक्दिान, यो सब अध्यक्षज्यूले नै गर्नुहुन्छ, सकभर चाँडै होला ।’- मन्त्री न्यौपानेले भन्नुभयो ।
भिडियो हेर्न तल क्लिक गर्नुहोस् !
|
|
Category: Latest News
Kathmandu Time
0 comments