प्रचण्डको पार्टीमा तीन विप्लब, दुई लालध्वज !

भिडियो हेर्न तल क्लिक गर्नुहोस् !

२४ माघ काठमाडौं । स्कुल वा कलेज पढ्दा आफ्नो नामपछाडि फुर्को झुन्ड्याउने रहर सबैलाई हुन्थ्यो । किशोरावस्थामा नामपछाडि कसैले उदासी, वियोगी, ज्वाला त कसैले पागलप्रेमी जस्ता फुर्का भुन्ड्याउने गरेझैं जनयुद्धकालमा नामपछाडि फूँदो जोड्ने होडबाजी नै थियो माओवादीभित्र ।

जनयुद्ध सकिए पनि एमाओवादी नेतामा नक्कली नाम राख्ने चलन हटेको छैन । हेटौडामा जारी महाधिवेशनमा सहभागी प्रतिनिधिका हात/हातमा थमाइएको प्रचण्डको तस्वीरअंकित मोटो डायरीमा माओवादी नेताका रोचक नामहरु हेर्न सकिन्छ । प्रभावशाली नेता नेत्रविक्रम चन्द (विप्लव) प्रचण्डको साथ छाडेर वैद्य पक्षमा लागे पनि एमाओवादीको केन्द्रीय समितिमा अझै तीनजना नयाँ विप्लवहरु बाँकी रहेको प्रमाणसमेत उक्त डायरीभित्र छ । तर, एमाओवादीमा रहेका तीन विप्लवमध्ये एकजना चाहिँ हत्या आरोपमा प्रहरीको खोजीको सूचिमा छन् ।

बालकृष्ण ढुंगेल उर्फ ‘विप्लव’

हत्या आरोपमा प्रहरीको खोजी सूचिमा रहेका ओखलढुंगाका पूर्व सभासद् बालकृष्ण ढुंगेलले आफ्नो नाम विप्लव राखेका छन् ।रोचक त के छ भने विप्लव नाम राख्ने रहर ढुंगेललाई मात्रै नरहेर बूढा कामरेड एवं चर्चित साहित्यकार निरञ्जन (निनु) चापागाईमा पनि देखिएको छ । चापागाईले पनि आफ्नो नाम ‘विप्लव’ राखेका छन् । विप्लव नाम राख्ने रहर अर्का केन्द्रीय सदस्य बलराम तिम्सिनालाई पनि लागेको छ । अन्ततः चन्दले पार्टी छाडे पनि एमाओवादीमा तीनजना विप्लवको अवतार देखिएको छ, ढुंगेल, चापागाई र तिम्सिना ।

भिडियो हेर्न तल क्लिक गर्नुहोस् !

Category: Latest News