शिक्षकद्वारा बालिका बलात्कृत

तनहुँ,चैत ६ ।। तनहुँको सदरमुकाम दमौली निर्मल उच्च माध्यमिक विद्यालयमा अध्यापन गराउँदै आएका शिक्षक जीवन लम्सालबाट तनहुँको छिपछिपे गाविस निवासी करिब १४ वर्षीय बालिका बलात्कृत भएकी छिन् ।

घरबाट दमौलीमा एसएलसी परीक्षा दिन बसेकी दिदीलाई घर खर्च लिएर आएकी ती बालिक बलात्कृत भएकी हुन् । चैत ३ गते तनहुँको केशवटार गाउँ विकास समिति–८ मा पर्ने एक्लेभट्टी भन्ने स्थानमा मोटरसाइकलमा गएका लम्सालले उनलाई दमौलीसम्म ल्याई दिने भन्दै दमौलीमा मोटरसाइकल नरोकी पोखरा पु-याएका थिए ।

ती बालिकालाई पोखराको पृथ्वीचोकमा रहेको एक होटलमा लगेर एक रात बन्धकमा राखेर बलात्कार गरेको रहस्य खुल्न आएको जिल्ला प्रहरी कार्यालयका प्रहरी नायब उपरीक्षक टीकाबहादुर केसीले बताउनुभयो ।

उहाँले घटना कास्कीमा भएकाले सरकारी अस्पतालमा गरेको स्वास्थ्य परीक्षणको रिर्पोटसहित पीडक र पीडित दुवैलाई आवश्यक अनुसन्धान र कारबाहीका लागि कास्कीमा नै पठाएको बताउनुभयो ।